آراء الطلاب
الرئيسية » آراء الطلاب

جامعة العقبة للتكنولوجيا

قصص يرويها طلابنا عن تجربتهم التعليمية في جامعة العقبة للتكنولوجيا

دينا جرجس
محاسبة

لرحلة جامعية متتنسيش بكادر تعليمي متميز، وبيئة نفسية، مريحة فجامعة العقبة للتكنولوجيا هي الخيارالأفضل والأمثل

أنا دينا جرجس 21 سنة من مصر... وزيي زي اي حد فمرحلة الثانوية كنت دايما بفكر امتى هتخلص المرحلة دي و تبتدي المرحلة الجامعية، طبعا حاجة مختلفة تماما قرارات مختلفة, مسؤوليات مختلفة, بيئة مختلفة و هتبقى دي اول خطوة في بداية حياتي العملية. وفعلا خلصت مرحلة الثانوية وابتدت مرحلة الاختيار اختيار جامعة مناسبة ليا و طبعا اول فكرة كانت بديهية قدامي هي جامعة فمصر، جامعة كبيرة بتخصصات كتير ممكن تبقى مفتوحة قدامي. لكن اهلي، صحابي بيئتي اللي اتعودت عليها كانت هنا فكان أفضل قرار اني ادور على جامعة مناسبة و متميزة وفعلا ابتديت ادور على جامعة مناسبة ليا و لما لقيت موقع العقبة للتكنولوجيا القرار كان أسهل بكتير مما اتوقعت، كل حاجة كنت بتمناها لقيتها واكتر .. تصميم و بناء في منتهى الروعة والجمال مش زي المعتاد اللي بنشوفه  دايما .. بتجهيزات حديثة و تخصصات مختلفة و خطة بتوعد لتطوير اكتر من الجهتين (التخصصات الجامعية والخدمات اللي بتوفرها حقيقي اتبسطت جداا .. و رحت وسجلت وابتدت الرحلة .. و زي اي بداية اكيد بيبقى في خوف و قلق لكن أول ما وصلت الجامعة الموضوع طلع اسهل بكتير .. كان جو مريح في التعامل مع كل حد شفته وقابلته في الجامعة وخصوصا الدكاترة اللي ابتدو يرشدونا و يعلمونا يعني ايه انت بقيت طالب جامعي يعني اي بقيت مسؤول عن قرار .. عن مستقبل .. عن حلم لازم تامن بيه وتحققه.

وازاي تقدر تتغلب على اي مخاوف وصعوبات ممكن تواجهك فطريقك لتحقيق الحلم ده .. ده غير طبعا النشاطات الاجتماعية اللي ساعدتنا اكتر على زيادة ثقتنا بنفسنا،  واللي خلتنا نرتبط ببعض مش بس كزملاء ولكن كعيلة حقيقية.

فعلا وبكل صراحة اللي عاوز جامعة وروتين عادي فالجامعات كتيرة. لكن اللي عاوز رحلة جامعية متتنسيش بكادر تعليمي متميز وبيئة نفسية مريحة فجامعة العقبة للتكنولوجيا هي الخيار الأفضل والأمثل.